Útilífsskóli Skjöldunga er hafinn þetta árið og eru enn laus pláss á námskeið 2-4. Hérna má nálgast skráningarhlekkinn... Námskeiðin hafa notið mikilla vinsælda og þurfti t.a.m. að loka fyrir skráningu á fyrsta námskeiðið og er námskeið 2 óðum að fyllast. Sjáumst hress í Útilífsskólanum í sumar. Skjöldungar
Foreldrafundur verður haldinn í skátaheimilinu Sólheimum 21a mánudaginn 2. maí þar sem farið verður yfir m.a. landsmót skáta í sumar, fjáraflanir, drekaskátamót og aðra viðburði á næstunni. Fundurinn hefst kl. 20:00 og áríðandi er að fulltrúi allra landsmótsfara mæti. Sjáumst hress Kveðja Skjöldungar
Skjöldungar leita að 2-3 starfsmönnum til að sjá um útilífsskólann í sumar þar sem fyrirhuguð eru 3 - 4 námskeið. Æskilegt er að viðkomandi séu orðnir amk. 20-22ja ára og hafi haldgóða reynslu af skátastarfi. Umsækjendur þurfa að geta starfað sjálfstætt sem og í hóp, vera skipulagðir og ábyrgir. Umsóknum og frekari fyrirspurnum skal skilað til Skjöldunga á skjoldungar@skatar.is en einnig má hafa samband við starfsmann Skjöldunga í síma 8216802. ATH! ráðið verður í stöðurnar sem allra fyrst. Kveðja Skjöldungar
Það er okkur Skjöldungum sannur heiður að eiga Guðrúnu Björgu sem skátasystur enda gríðarlega sterk fyrirmynd hér á ferðinni. Við erum afar stolt af Guðrúnu og þessu óvenjulega framtaki. Hér má lesa alla greinina sem www.visir.is birti.
...var haldinn þriðjudaginn 8.mars. Fundurinn var með afar hefðbundnu sniði þar sem félagsforingi fór yfir ársskýrslu stjórnar og gjaldkeri fór yfir ársreikning félagsins. Smávægilegar breytingar voru gerðar á stjórn félagsins, en Haraldur Jónsson hefur síðustu ár gegnt stöðu fulltrúa foringja í stjórn en þar sem Haraldur starfar ekki lengur sem sveitarforingi var sú tillaga Sveinbjörns Lárussonar sem var jafnframt fundarstjóri, að Haraldur tæki sæti í stjórn félagssins, samþykkt einróma. Brynhildur Ingibjörg Hauksdóttir sem sinnir nú störfum deildarforingja, bíður því það verkefni með sveitarforingjum, að finna nýjan fulltrúa foringja til að sitja stjórnarfundi en þess má vænta að Þórey Lovísa verði valin af sínum jafningjum. Stjórnina skipa því: Guðmundur Þór Pétursson félagsforingi Magnús Daníel Karlsson gjaldkeri og aðst.fél.for. Valgerður Halldórsdóttir aðst.fél.for. Brynhildur Ingibjörg Hauksdóttir deildarforingi og aðst.fél.for. Páll Viggósson aðst.fél.for. Haraldur Jónsson aðst.fél.for. (með fyrirvara: Þórey Lovísa) Páll var ekki viðstaddur fundinn en engu síður náðist mynd af allri stjórninni.
Páskaútilegunni hefur verið frestað, sem átti að vera um helgina þar sem veðurspá er afar slæm fyrir laugardag og sunnudag. Þess í stað ætlum við að hittast í skátaheimilinu á laugardaginn kl 17:00 (12.mars) og verður dagskrá langt fram á kvöld og er kvöldmatur innifalinn. Við ætlum svo að sofa í skátaheimilinu og á sunnudaginn verður morgunmatur og meiri dagskrá og svo endum við á hádegismat, þannig að þessu lýkur um kl 13:00. Það sem þarf að hafa með er svefnpoki, náttföt og tannbursti. Kveðja Foringjar.
Þann 11.október 2015 fengu 22. rekkaskátar afhent forsetamerkið á Bessastöðum og þar á meðal var okkar eigin Þórey Lovísa og var þessi mynd tekin við það tilefni. Til hamingju Þórey :)
Aðalfundur skátafélagsins Skjöldunga verður haldinn í skátaheimilinu Sólheimum 21a þriðjudaginn 8.mars kl 20:00 Venjuleg aðalfundarstörf. Kveðja Stjórn Skjöldunga
Páskaútilega Skjöldunga verður haldin 11.-13. mars og verður hún að þessu sinni í Lækjarbotnum við Lögbergsbrekku (um 10 mínútna akstur frá RVK) Drekaskátar koma á laugardeginum og gista því eina nótt en fálkaskátar og eldri munu gista 2 nætur. Búið er að opna fyrir skráningu í útileguna. Nánari dagskrá og matseðill koma hér inn fljótlega.
Landsmót skáta 2016 verður haldið á Úlfljótsvatni 17.-24. júlí 2016. Skráning og ítarlegar upplýsingar má finna hér. Kostnaður þátttakenda er 54.000.- og er allur matur, efni og ferðir innifalið.
