­

Stórleikur Skjöldunga

Þar sem í skátastarfi Skjöldunga blandast saman krakkar úr allt að 5 skólum og við förum yfir fjöldatakmörk í nokkrum aldursbilum hafa stjórn og foringjar ákveðið að fresta hefðbundnu fundastarfi áfram út þessa önn. Í staðinn eru foringjarnir okkar búnir að búa til Stórleik Skjöldunga sem allir geta tekið þátt í og unnið sér inn sérstaklega flott merki. Stórleikurinn samanstendur af fjórum verkefnum sem er tilvalið að klára á fjórum vikum. Upplýsingar um þennan stórleik má finna í viðhengi og til þess að taka þátt má gerast meðlimur í hópnum „Stórleikur Skjöldunga“ sem má finna í gegnum þennan hlekk: https://www.facebook.com/groups/storleikur Við hvetjum skáta jafnt sem foreldra, systkini og alla aðra til að taka þátt í þessu með okkur.

Skátafundir 2020-2021

Skráning fyrir haustönn 2020 er opin í gegnum skatar.felog.is Fundartíma fyrir veturinn 2020-2021 má sjá á myndinni hér að ofan. Skátastarfið hefst 7. september, öll velkomin!

Útilífsskóli Skjöldunga 2020

Námskeið í boði 2020 Námskeið 18. - 12. júní Námskeið 2 15. - 19. júní - Ath! 4. dagar Námskeið 3 22. - 26. júní Námskeið 4 29. júní – 3. júlí Námskeið 5 6. – 10. júlí Námskeið 6 4. - 7. ágúst - Ath! 4. dagar Námskeið 7 10. – 14. ágústSumarið 2020 verður Útilífsskóli Skjöldunga með öðrum hætti en hefur tíðkast. Fyrstu tveir dagar námskeiðsins verða haldnir í og í kringum skátaheimilið okkar en síðustu þrír dagarnir verða á svæðinu í kringum skátaskálann okkar við Hafravatn. Við verðum úti allan daginn og nýtum þá möguleika sem svæðin hafa upp á að bjóða en meðal viðfangsefna verða trönubyggingar, útieldun, tálgun, rötun, náttúruskoðun, fjallgöngur, skátaleikir og margt fleira. Um er að ræða fimm daga námskeið. Upplýsingar: Námskeiðin eru ætluð börnum á aldrinum 8 til 12 ára. Dagskráin stendur yfir frá kl. 9:00 til 16:00. Nauðsynlegt er að þátttakendur mæti vel klæddir og tilbúnir í að vera úti allan daginn  Nestistímar eru þrisvar á dag og þurfa þátttakendur að taka með sér nesti fyrir daginn. Allir þátttakendur fá sendan með sér ítarlegan bækling um tilhögun námskeiðsins í upphafi námskeiðs. Mæting fyrstu tvo dagana verður í skátaheimilið en seinni þrjá dagana verður mæting í skátaskálann Hleiðru við Hafravatn. Verðið er 14.000kr.Ef námskeiðið kemur ekki upp á skráningarsíðunni má senda póst með kennitölu barns og dagsetningu námskeiðs á skjoldungar@skatar.is og við aðstoðum ykkur.

Viðbrögð Skjöldunga við Samkomubanni

Íslenskt samfélag tekst nú á við miklar áskoranir vegna heimsfaraldurs COVID-19. Allt formlegt starf Skátafélagsins Skjöldunga fellur því niður fram yfir páska. Öryggi og heilsa skátanna og foringjanna er fyrir öllu og því verða hvorki skátafundir né úti/innilegur.Skátarnir eru að útbúa verkefni sem þeir munu senda frá sér og frábært er að leysa verkefnin heima ásamt allri fjölskyldunni.Við erum meðvituð um að staðan í samfélaginu getur breyst með stuttum fyrirvara og að ákvarðanir félagsins geta þurft að breytast í samræmi við það. Förum eftir fyrirmælum Almannavarna, þannig gerum við skyldu okkar og hjálpum samfélaginu.Nú er tími til góðverka ⚜️Fyrir hönd stjórnar og foringja Skátafélagsins SkjöldungaHelga Þórey JúlíudóttirFélagsforingi  englishIcelandic society now faces great challenges due to pandemic COVID-19. All formal events planned by Skjöldungar are therefore canceled until after Easter. The safety and health of the Scouts and leaders is everything and therefore Scout meetings, inside and outside camping are canceled. The Scouts are preparing tasks that they will publish and it is great to solve the tasks at home with the whole family.We are aware that the situation can change at short notice and that the decisions may need to change accordingly. Obey the Civil Protection instructions, so we do our duty and help the community.Now is the time for good deeds⚜️On behalf of SkjöldungarHelga Þórey Júlíudóttir  Meðan á samkomubanni stendur munu skátarnir setja inn verkefni sem skemmtilegt er að gera heima eða úti í garði á síðuna http://skatarnir.is/studkvi/.

Innilega fálkaskáta

Allir fálkaskátar Sköldunga ætla að gista saman í skátaheimilinu frá föstudegi 20. mars til laugardags 21. mars. Mæting er kl. 18:00 upp í skátaheimili og innilegunni verður slitið á laugardegi kl. 12:00.  Skátarnir fá kvöldmat og morgunmat í innilegunni.Við ætlum að hafa pizzaveislu og kósýkvöld á föstudegi og hafa fjöruga og skemmtilega dagskrá fyrir hádegi á laugardegi. Skátarnir þurfa að koma með:- 1.000,- kr. fyrir pizzu- Dýnu- Svefnpoka/ sæng og kodda- Tannbursta og hreinlætisvörur- Náttföt/kósýföt- Hlý útifötSkráning í innileguna er á skatar.felog.is.

Útipepp við Hafravatn

Viðburðurinn Útipepp verður haldinn við Hafravatn 13.-15. mars 2020. Ef þú ert dróttskáti með áhuga á útivist og reiðubúinn í smá áskorun og fjör er bara eitt sem þú ert að fara að gera þess helgi. Þú ert að koma á Útipepp við Hafravatn! Á þessum frábæra viðburði lærir þú meðal annars að undirbúa þig fyrir langar göngur að vetrarlagi, skyndihjálp, að gista úti í náttúrunni um vetur og allt sem því fylgir.  Ásamt því stanslausa stuði og ævintýri sem fylgir öllum Peppviðburðum. Þáttökugjald er 5000 kr. (Innifalið er kvöldmatur og hádegismatur á laugardegi og hádegismatur á sunnudegi).  Annan mat þurfa þátttakendur að koma með sjálfir (morgunmat og snarl/kaffitími). Skráning er opin en hún rennur út 11. mars. Athugið að það er takmarkaður fjöldi þátttakenda svo skráið ykkur sem fyrst en síðast komust færri að en vildu!!! Frekari upplýsingar á facebook viðburði.

Baden Powell 163 ára (+1 dagur)

Í tilefni þess að stofnandi skátahreyfingarinnar, Baden Powell, hefði orðið 163 ára og 1 dags gamall ætla Skjöldungar að hafa skemmtilega dagskrá í og í kringum skátaheimilið okkar. Fjörið verðu í gangi frá 13:00 til 14:30!Allir skátar og fjölskyldur þeirra velkomin! Frekari upplýsingar á facebook: viðburður

Drekaskátadagurinn 2020

Þann 1. mars verður drekaskátadagurinn haldinn í umhverfi skátaheimilis Kópa í Kópavogi.  Allir drekaskátar á landinu fá að taka þátt í honum. Frekari upplýsingar um drekaskátadaginn eru hér.

Innilega drekaskáta

6.- 7. mars ætlar drekaskátasveitin Sporrakkar að gista í skátaheimilinu okkar.  Skráning er hafin á skatar.felog.is!

Skátafundir 2019

Fundartímar á haustönn 2019 eru eftirfarandi: Drekaskátar eru á mánudögum frá 18:00-19:00Fálkaskátar yngri (fædd 2008 og 2009) eru á miðvikudögum frá 18:15-19:45Fálkaskátar eldri (fædd 2007) eru á þriðjudögum frá 18:15-19:45Dróttskátar eru á mánudögum frá 20:00-21:30Rekkaskátar eru á fimmtudögum frá 20:00-22:00 Hægt er að hafa samband við starfsmann Skjöldunga í síma 8216802 mánudaga og fimmtudaga frá 17-20