­

Skráning er hafin

Mikilvægur póstu var sendur á alla þá skáta sem voru í félaginu síðasta vetur, því núna er skráning hafin fyrir næsta ævintýri  Mælum með að skrá skátana sem fyrst þar sem það er mikil eftirspurn eftir skátastarfinu og vegna þess eru núna fjöldatakmarkanir í Drekaskátunum (max 25) og Fálkaskátunum (max 30). Þetta er gert til að hámarka gæði skátastarfsins og auka ánægju skátana.Þegar sveitirnar eru fullar þá mun myndast biðlisti.  Notast verður við Sportabler til að koma upplýsingum og tilkynningum til foreldra og forræðisaðila skátanna. Mælum með að foreldrar fylgist vel með á Sportabler vefsíðunni eða í appinu. Skráning í félagið

Útilífsskóli Skjöldunga 2021

Námskeið í boði 2021 Námskeið 1 - Ath! 4. dagar 14.06.2021 - 18.06.2021 Námskeið 2  21.06.2021 - 25.06.2021 Námskeið 3  28.06.2021 - 02.07.2021 Námskeið 4  12.07.2021 - 16.07.2021 Námskeið 5  19.07.2021 - 23.07.2021 Námskeið 6 - Ath! 4. dagar 03.08.2021 - 06.08.2021 Námskeið 7  09.08.2021 - 13.08.2021 Skátafélagið Skjöldungar ætlar að bjóða upp á útilífsnámskeið yfir sumartímann sem haldið er í skátaheimili Skjöldunga í Sólheimum 21a. Námskeiðin byggja á mikilli útiveru og meðal viðfangsefna eru náttúruskoðun, skátadulmál, útieldun, skátaleikir og margt fleira spennandi og skemmtilegt. Upplýsingar: Starfssvæði Útilífsskóla Skjöldunga eru Vogar, Heimar og Sundahverfi. Námskeiðin eru ætluð börnum á aldrinum 8 til 12 ára. (fædd 2009 - 2013) Dagskráin stendur yfir frá kl. 9:00 til 16:00. Nauðsynlegt er að þátttakendur mæti vel klæddir og tilbúnir í að vera úti allan daginn. Nestistímar eru þrisvar á dag og þurfa þátttakendur að taka með sér nesti fyrir daginn. Allir þátttakendur fá sendan með sér ítarlegan bækling um tilhögun námskeiðsins í upphafi námskeiðs. Ef námskeiðið kemur ekki upp á skráningarsíðunni má senda póst með kennitölu barns og dagsetningu námskeiðs á skjoldungar@skatar.is og við aðstoðum ykkur. ATH. Námskeið 1 og 6 er einungis fjórir dagar (vegna 17. júní og Verslunarmannahelgarinnar)

Páskafríið er byrjað

Því miður þurfum við að taka smá pásu frá almennu skátastarfi  Við fylgjumst vel með stöðu málanna og látum ykkur vita um leið og nýjar upplýsingar koma fram!  Þótt allt sé lokað þá er enþá hægt að gera ýmiskonar skáta verkefni saman sem fjölskylda http://www.skatarnir.is/studkvi Svo er um að gera að taka gott páskafrí, slaka á og koma tvíefld til baka!  Rafrænt knús til ykkar allra

Skátasumarið 2021

Það verður skátamót í sumar !  Í sumar verða haldin þrjú minni skátamót fyrir skátafélög landsins á Úlfljótsvatni.  Skjöldungar munu fjölmenna á Úlfljótsvatn 7.-11. júlí 2021 á Skátasumarið!  Önnur félög sem verða á svæðinu með okkur eru Landnemar, Klakkur, Eilífsbúar, Vífill, Heiðabúar, Mosverjar og Faxi.  Ef einhverjir voru skráðir og búnir að greiða fyrir Landsmót skáta 2020, þá mun það gjald ganga upp í mótsgjaldið á þessu móti.  Mótið er opið öllum aldursbilum, fjölskylduskátum, drekaskátum og eldri.  Frekari upplýsingar um mótið munu koma á næstunni en nú fara foringjar og fararstjórn á fullt að undirbúa. Einnig er hægt að skoða heimasíðu mótsins  https://skatamot.is/

Skráning í Skjöldunga

Skráning í skátana fer fram í gegnum skatar.felog.isEf þú lendir í vandræðum með skráningu þá má hafa samband í gegnum skjoldungar@skatar.is Smelltu hér fyrir skráningu í Skjöldunga

Aðalfundur 2021

FundarboðAðalfundur skátafélagsins Skjöldunga verður haldinn fimmtudaginn 11. febrúar 2021 kl 20:00 í gegnum fjarfundarbúnað.Vefslóði á Facebook viðburðinn: https://www.facebook.com/events/456236832064577  Vefslóði á Aðalfund í gegnum Zoom:Hér er vefslóði á fundinn:https://us02web.zoom.us/j/84493858394?pwd=K2M5UnFrc0RJRTMxWDdJZ3pvMUx0UT09Meeting ID: 844 9385 8394Passcode: 21 Dagskrá aðalfundar:1. Skýrsla stjórnar2. Lagðir fram endurskoðaðir reikningar3. Lagabreytingar4. Kosningar5. Önnur mál Framboð og lagabreytingartillögur verða kynnt hér á síðunni um leið og þau berast. Framboð og lagabreytingartillögur berist á skjoldungar@skatar.is. Úrdráttur úr lögum sem má finna á vefsíðu skjöldunga:1. gr. Fullgildir félagar teljast drekaskátar, fálkaskátar, dróttskátar, rekkaskátar og róverskátar sem sækja reglulega æfingar og fundi og hafa greitt ársgjald. Fullgildir félagar teljast einnig eldri skátar, sem greitt hafa ársgjald.2. gr. Aðalfundur er æðsta vald í málefnum félagsins. Hann skal halda í febrúar eða mars ár hvert og boða bréflega með minnst hálfs mánaðar fyrirvara.3. gr. Rétt til setu á aðalfundi hafa allir félagar sem náð hafa 15 ára aldri. Atkvæðisrétt hefur félagsstjórn, allir sveitarforingjar og æðri foringjar sem greitt hafa ársgjald. Fyrir sveit er telur fleiri félaga en 30 má senda 1 atkvæðisbæran fulltrúa fyrir hverja 4 umfram 30.4. gr. Stjórn er kosin á aðalfundi. Hana skipa félagsforingi og 4 eða fleiri aðstoðarfélagsforingjar sem skipta með sér verkum. Stjórn fundar reglulega með foringjum. Stjórn er heimilt að skipa nefndir til að fara með einstök mál eða málaflokka í nafni hennar. Stjórn ákveður setu foringja og starfsmanns félagsins á fundum sínum.5. gr. Í stjórn félagsins hafa kjörgengi félagar í Skjöldungum sem náð hafa 18 ára aldri. PS. Foreldrar skáta í félaginu og aðrir velunnarar sérstaklega velkomnir.

Varðeldaskikkjur

Okkur langar að kynna fyrir ykkur varðeldaskikkjur Skjöldunga sem hægt verður að panta til 30. nóvember.Skjöldungar munu fjölmenna á Landsmót skáta næsta sumar og hlökkum við mikið til að vera öll í stíl í eins skikkjum á bæði landsmóti og öðrum skátaviðburðum næstu ár(atugi).Skikkjan er því tilvalin jólagjöf fyrir unga skáta!Pöntun á þessum skikkjum fer fram í gegnum eftirfarandi hlekk:https://forms.gle/zcGE3NpAhSLRNgMp9Þar má einnig nálgast myndir af skikkjunni og verð.Þetta er gæðaflík, hönnuð og framleidd á Íslandi af VARMA / Glófi ehf. Hún er hlý, slitþolin og falleg og hvetjum við alla til að panta hana sem fyrst

Stórleikur Skjöldunga

Þar sem í skátastarfi Skjöldunga blandast saman krakkar úr allt að 5 skólum og við förum yfir fjöldatakmörk í nokkrum aldursbilum hafa stjórn og foringjar ákveðið að fresta hefðbundnu fundastarfi áfram út þessa önn. Í staðinn eru foringjarnir okkar búnir að búa til Stórleik Skjöldunga sem allir geta tekið þátt í og unnið sér inn sérstaklega flott merki. Stórleikurinn samanstendur af fjórum verkefnum sem er tilvalið að klára á fjórum vikum. Upplýsingar um þennan stórleik má finna í viðhengi og til þess að taka þátt má gerast meðlimur í hópnum „Stórleikur Skjöldunga“ sem má finna í gegnum þennan hlekk: https://www.facebook.com/groups/storleikur Við hvetjum skáta jafnt sem foreldra, systkini og alla aðra til að taka þátt í þessu með okkur.

Skátafundir 2020-2021

Skráning fyrir haustönn 2020 er opin í gegnum skatar.felog.is Fundartíma fyrir veturinn 2020-2021 má sjá á myndinni hér að ofan. Skátastarfið hefst 7. september, öll velkomin!

Útilífsskóli Skjöldunga 2020

Námskeið í boði 2020 Námskeið 18. - 12. júní Námskeið 2 15. - 19. júní - Ath! 4. dagar Námskeið 3 22. - 26. júní Námskeið 4 29. júní – 3. júlí Námskeið 5 6. – 10. júlí Námskeið 6 4. - 7. ágúst - Ath! 4. dagar Námskeið 7 10. – 14. ágústSumarið 2020 verður Útilífsskóli Skjöldunga með öðrum hætti en hefur tíðkast. Fyrstu tveir dagar námskeiðsins verða haldnir í og í kringum skátaheimilið okkar en síðustu þrír dagarnir verða á svæðinu í kringum skátaskálann okkar við Hafravatn. Við verðum úti allan daginn og nýtum þá möguleika sem svæðin hafa upp á að bjóða en meðal viðfangsefna verða trönubyggingar, útieldun, tálgun, rötun, náttúruskoðun, fjallgöngur, skátaleikir og margt fleira. Um er að ræða fimm daga námskeið. Upplýsingar: Námskeiðin eru ætluð börnum á aldrinum 8 til 12 ára. Dagskráin stendur yfir frá kl. 9:00 til 16:00. Nauðsynlegt er að þátttakendur mæti vel klæddir og tilbúnir í að vera úti allan daginn  Nestistímar eru þrisvar á dag og þurfa þátttakendur að taka með sér nesti fyrir daginn. Allir þátttakendur fá sendan með sér ítarlegan bækling um tilhögun námskeiðsins í upphafi námskeiðs. Mæting fyrstu tvo dagana verður í skátaheimilið en seinni þrjá dagana verður mæting í skátaskálann Hleiðru við Hafravatn. Verðið er 14.000kr.Ef námskeiðið kemur ekki upp á skráningarsíðunni má senda póst með kennitölu barns og dagsetningu námskeiðs á skjoldungar@skatar.is og við aðstoðum ykkur.