Vetrarmót Reykjavíkurskáta verður haldið að Úlfljótsvatni 16.-18.janúar og verður farið frá Skátamiðstöðinni Hraunbæ 123 á föstudagskvöldinu kl 20:00 stundvíslega. Vetrarmótið er fyrir fálkaskáta og eldri (ekki drekaskáta) og er nú haldið í fyrsta skipti en ætlunin er að gera þetta að árlegum viðburði. Engu hefur verið til sparað og verður þetta með glæsilegasta móti, en það kostar aðeins 4000,- á þetta skátamót. Helstu upplýsingar má finna hér. Skráning fer fram hér.

Þrettándagleði Skjöldunga verður haldin föstudaginn 9. janúar kl. 18:00-19:00 í skátaheimilinu Sólheimum 21a. Þetta verður í formi kvöldvöku og endum við svo með flugeldasýningu. Þrettándagleðin markar upphafið á nýrri starfs-önn hjá okkur en starfið fer aftur á fullt mánudaginn 12.jan. Sjáumst hress og kát á föstudaginn.    

Föstudaginn 21.nóv. ætlum við Skjöldungar að hafa "Hristing" þar sem allt félagið kemur saman og heldur einskonar útilegu æfingu með skemmtilegu ívafi. Hristingurinn stendur frá kl 20:00 á föstudegi til kl 13:00 á laugardeginum. Skátinn mætir með svefnpoka, föt til skiptanna, náttföt, tannbursta og lyf ef þarf. Boðið verður uppá kvöldkaffi, morgunmat og hádegismat. Frekari upplýsingar gefur starfsmaður skjoldungar@skjoldungar.is eða í síma 8216802. Sjáumst á hristingi

Námskeið um vanrækslu og ofbeldi gegn börnum, möguleg úrræði og skyldur þeirra sem vinna með börnum . Ætlast er til þess að allir sveitarforingjar og aðrir sjálfboðaliðar sem vinna með börnum fari á þetta námskeið. Frekari upplýsingar má nálgast hér. Hægt er að skrá sig hér.

Afmæliskvöldvaka Skjöldunga verður haldi í skátaheimilinu í kvöld kl 19:00. Hefðbundnir fundir hjá Drekaskátum og Fálkaskátum falla niður í dag, en þess í stað mæta alllir á kvöldvökuna. Foreldrar velkomnir. Skjöldungar.

Afmælisútilega Skjöldunga verður haldin 10.-12.október í Skátafelli í Skorradal. Hérna má nálgast nánari upplýsingar um ferðina og einnig skráningu en eingöngu skráðir skátar sem greitt hafa árgjaldið eiga kost á að fara. Frekari upplýsingar veitir starfsmaður í síma 8216802 og skjoldungar@skjoldungar.is

Skjöldungar fóru í foringjaferð helgina 12-14 september og nýttum við tækifærið og fengum leiðbeinendurna Gísla og Ingu til að koma til okkar með námskeið varðandi upptöku á flokkakerfinu en flokkakerfið hefur ekki verið iðkað í all-mörg ár innan okkar raða en við Skjöldungar stefnum á upptöku þess innan tíðar. Í upphafi ferðar var farið í Adrenalíngarðinn á Nesjavöllum og þaðan yfir á Úlfjótsvatn þar sem við fengum síðbúinn kvöldverð og fórum í bogfimi. Eftir miðnættið var svo komið á Apavatn þar sem við áttum frábæra helgi saman við leik og störf. Hérna má sjá myndir og myndbönd úr ferðinni.